Ադրբեջանը հայտարարել է Ուկրաինային գազ մատակարարելու իր պատրաստակամության մասին
Աշխարհ
Ադրբեջանը պատրաստ է անհրաժեշտության դեպքում բնական գազ մատակարարել Ուկրաինային և քննարկում է Ուկրաինայի ստորգետնյա գազապահեստարանների օգտագործման հնարավորությունը տարածաշրջանային էներգետիկ անվտանգությունն ամրապնդելու համար։ Այս մասին հայտարարել է Ադրբեջանի արտաքին գործերի նախարար Ջեյհուն Բայրամովը հինգշաբթի օրը Կիևում Ուկրաինայի արտաքին գործերի նախարարի պաշտոնակատար Անդրեյ Սիբիհայի հետ համատեղ մամուլի ասուլիսում, հաղորդում է «Report» լրատվական գործակալությունը։
«Մենք պատրաստ կլինենք գազ մատակարարել Ուկրաինային, եթե անհրաժեշտություն առաջանա», -ասել է Բայրամովը։
Նրա խոսքով՝ Ադրբեջանի պետական նավթային ընկերությունը՝ SOCAR-ը, վաղուց արդեն ներկա է ուկրաինական շուկայում, շարունակում է ակտիվորեն գործել երկրում և ունի էներգետիկ համագործակցության հետագա զարգացման հավակնոտ ծրագրեր։
Մեկ այլ խոստումնալից ոլորտ, ըստ Ադրբեջանի արտգործնախարարի, կարող է լինել Ուկրաինայի ստորգետնյա գազապահեստարանների օգտագործումը՝ ավելի լայն տարածաշրջանում էներգետիկ անվտանգությունն ամրապնդելու համար։
«Մենք սա համարում ենք մեր ապագա համագործակցության շատ խոստումնալից ոլորտ», - հավելել է Բայրամովը։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
