Ութ երկրներ դատապարտել են Իսրայելին Գազայում իր գործողությունների և խաղաղության ջանքերը խաթարելու համար

Ութ երկրների, այդ թվում՝ Կատարի, Սաուդյան Արաբիայի և Թուրքիայի արտաքին գործերի նախարարները դատապարտել են Իսրայելի գործողությունները Գազայի հատվածում։ Այս մասին ասվում է Կատարի արտաքին գործերի նախարարության կողմից տարածված համատեղ հայտարարության մեջ։

Եգիպտոսի, Ինդոնեզիայի, Հորդանանի, Կատարի, Միացյալ Արաբական Էմիրությունների, Պակիստանի, Սաուդյան Արաբիայի և Թուրքիայի արտաքին գործերի նախարարները խստորեն դատապարտել են Իսրայելի հարձակումները բժշկական հաստատությունների և քաղաքացիական ենթակառուցվածքների վրա պաղեստինյան անկլավում։

«Այս հանցագործությունների շարունակությունը Իսրայելի կողմից միջազգային իրավունքի և Գազայում հակամարտությունը դադարեցնելու համապարփակ ծրագրի համաձայն ստանձնած պարտավորությունների ակնհայտ խախտում է և խաթարում է ծրագրի երկրորդ փուլի իրականացման միջազգային և տարածաշրջանային ջանքերը», - ընդգծվում է հայտարարության մեջ։

Դիվանագետները նշել են, որ Իսրայելի գործողությունները սպառնում են խափանել քաղաքական գործընթացը։ Նրանք սա ընդգծել են այն բանից հետո, երբ ԱՄՆ նախագահ Դոնալդ Թրամփը հայտարարեց, որ պաղեստինյան խմբավորումներն ընդունել են զենքի վերահսկման դրույթներ ներառող ճանապարհային քարտեզը։