Օվերչուկը հայտարարել է՝ Հայաստանի և Ռուսաստանի առևտրաշրջանառությունը կտրուկ նվազել է

ՌԴ փոխվարչապետ Ալեքսեյ Օվերչուկը հայտարարել է, որ Ռուսաստանի և Հայաստանի միջև ապրանքաշրջանառությունը 2026 թվականին 2025-ի համեմատ նվազել է մոտ երկու երրորդով և, ըստ նրա, կշարունակի անկում ապրել։

Օվերչուկի խոսքով՝ նման զարգացումները կանխատեսելի էին, և վերջին տարիներին ռուսական կողմը հայ գործընկերներին զգուշացրել էր ԵԱՏՄ-ի հետ հարաբերություններում առկա հնարավոր ռիսկերի, այդ թվում՝ ապրանքաշրջանառության կրճատման մասին։

Նրա տվյալներով՝ 2024 թվականին երկկողմ առևտրաշրջանառությունը հասել էր ռեկորդային՝ շուրջ 12 մլրդ դոլարի, 2025-ին նվազել էր մինչև մոտ 8 մլրդ դոլար, իսկ 2026 թվականին գրանցվել է նոր՝ զգալի անկում։