Հոլիվուդյան ռեժիսոր և պրոդյուսեր Ջեյմս Քեմերոնը խոսել է իր կարիերան ավարտելու մասին

Հոլիվուդյան ռեժիսոր և պրոդյուսեր, 71-ամյա Ջեյմս Քեմերոնը, որի գլխավոր աշխատանքների թվում են «Տերմինատորը», «Տիտանիկը» և «Ավատարը», խոսել է իր կարիերայի ավարտի մասին: World of Reel-ին տված հարցազրույցում նա խոստովանել է, որ արդեն պլանավորում է կինոյում իր «վերջին գործողությունը»: 

Քեմերոնն ասել է, որ դեռ չի որոշել, թե ինչ ֆիլմ է ուզում նկարահանել հաջորդը։ «Ես դեռ այդ սահմանային վիճակում եմ՝ պլանավորում եմ եզրափակիչ գործողություն։ Եվ չգիտեմ՝ այդ եզրափակիչ գործողությունը կտևի մեկ տարի, թե՞ 20 տարի: Վերջին երկու շաբաթների ընթացքում ես բառացիորեն ինքս ինձ համար ծրագրեր եմ նախագծել։ Վերևում մեծ տառերով գրել եմ. «Ի՞նչը կբերի ամենամեծ օգուտը»։ Ապա սկսել եմ նայել իմ սիրելի նախագծերին և հարցնել. «Ինչպե՞ս է սա աշխարհը ավելի լավ դարձնելու մեր երեխաների համար»»,- ասել է ռեժիսորը:

Հիշեցնենք, որ Ջեյմս Քեմերոնի ներկայիս նախագծերի թվում են «Ավատար 2» ֆիլմը, Ջո Աբերքրոմբիի «Դևերը» ֆիլմի էկրանավորումը, «Հիրոսիմայի ուրվականները», «Ալիտա 2»-ը, նոր «Տերմինատոր» ֆիլմը և այլն։

Ջեյմս Քեմերոնը պատմության ամենաազդեցիկ կինոգործիչներից մեկն է։ Նա ստեղծել է պատմության ամենահաջողակ և ամենաբարձր եկամուտ ունեցող ֆիլմերից մի քանիսը, այդ թվում՝ «Տիտանիկ» և «Ավատար», ինչպես նաև գիտաֆանտաստիկ մարտաֆիլմեր «Տերմինատոր» և «Օտարները» խորհրդանշական ֆիլմերը։ 

Ջեյմս Քեմերոնը պաշտոնապես ընդգրկվել է «Forbes» ամսագրի միլիարդատերերի ցանկում: «Forbes»-ը Քեմերոնի կարողությունը գնահատել է 1.1 միլիարդ դոլար՝ 2025 թվականի դրությամբ։