Ալլա Պուգաչովան ֆինանսական խնդիրների պատճառով մտածում է բեմ վերադառնալու մասին

77-ամյա Ալլա Պուգաչովան, ով 2022 թվականից ապրում է Ռուսաստանից դուրս, քննարկում է բեմ վերադառնալու հնարավորությունը՝ արտասահմանում ֆինանսական խնդիրների պատճառով։ Այս մասին «Կոմսոմոլսկայա պրավդա»-ին հայտնել են երգչուհու մտերիմները։ Հայտնում է Spletnik-ը:

«Պուգաչովայի գումարը քիչ է, բայց նա ուզում է շքեղ կյանքով ապրել, ինչպես Ռուսաստանում։ Վերջերս նրան առաջարկեցին երգել մասնավոր կորպորատիվ միջոցառմանը՝ 500,000 դոլարով։ Նա դեռ պատրաստ չէ ելույթ ունենալ առողջական խնդիրների պատճառով, բայց խոստացավ վերադառնալ առաջարկին, հենց որ ապաքինվի։ Հաճախորդը հարուստ մարդ է, նրա լավ ընկերը: Հնարավոր է՝ նա կրկին երգի», - ասել են երգչուհու ընկերները։

Ավելի վաղ հայտնել էինք, որ Գալկինը և Պուգաչովան Յուրմալայում ներկա են եղել Լայմա Վայկուլեի փառատոնին: Պուգաչովան պատմել էր, թե ինչու 4 ամիս չէր կարողանում քայլել: «Ես չորս ամիս անշարժացած էի կոնքի կոտրվածքի պատճառով։ Շատ դժվար էր։ Ես կարող էի վեց ամիս պառկած մնալ: Բայց հետո ինչ-որ մեկը եկավ և ասաց, որ ամեն ինչ կախված է ինձնից։ Եվ ես դանդաղ սկսեցի նորից ոտքի կանգնել։ Չնայած ցավին, սկսեցի քայլել ձեռնափայտով։ Եվ հիմա դեռ ցավոտ է, բայց ես դանդաղ քայլում եմ»,-ասել էր նա: