Ռուսաստանում կստեղծվի ադամանդների հղկման արդյունաբերական կլաստեր

Ռուսաստանի նախագահ Վլադիմիր Պուտինը ստորագրել է հրամանագիր, որով նախատեսվում է Յակուտիայում և Սմոլենսկի մարզում ստեղծել ադամանդների հղկման արդյունաբերական կլաստեր։ Փաստաթուղթը հրապարակվել է իրավական ակտերի պաշտոնական պորտալում։

Կլաստերի մասնակից կարող են դառնալ համապատասխան ռեեստրում ընդգրկված ֆիզիկական և իրավաբանական անձինք։ Ռեեստրում ընդգրկվելու համար անհրաժեշտ կլինի «Ալմազյուվելիռէքսպորտ» արտաքին տնտեսական միավորման եզրակացությունը, իսկ չափանիշներն ու ընթացակարգը կսահմանի Ռուսաստանի ֆինանսների նախարարությունը։

Հրամանագիրն ուժի մեջ կմտնի 2027 թվականի մարտի 1-ից։ Ավելի վաղ հայտնի էր դարձել նաև, որ սեպտեմբերի 1-ից ռուսական չմշակված ադամանդների արտահանման նկատմամբ կգործի 8 տոկոսի մաքսատուրք։