Փորձել են գումար շորթել Telegram-ի միջոցով

Telegram-ի հիմնադիր Պավել Դուրովը անդրադարձել է այն հարցին, թե ինչու է Telegram-ը հեռացվել App Store-ից։ Նա ասել է, որ դա եղել է միայն մի քանի ժամ այն պատճառով, որ անօրինական պոռնոգրաֆիկ բովանդակություն է հրապարակված եղել մեսենջերում։ Ընդ որում, արգելված բովանդակությունը ստեղծված է եղել նաեւ ԱԲ միջամտությամբ։

Հրապարակումն իրականացվել է հանրային խմբում եւ խմբի ադմինիստրատորները չեն կարողացել ժամանակին տեսնել ու բողոք ուղարկել բովանդակության դեմ, որպեսզի արգելափակվի կամ հեռացվի։ Դուրովը մանրամասնել է, որ կան խարդախներ, ովքեր նման բովանդակություն են հրապարակում հանրային խմբերում, իսկ հետո գանգատ ուղարկում Apple-ին, եթե խմբի սեփականատերերը հրաժարվում են վճարել, որ այդ բովանդակությունը հեռացնեն։ Դուրովը շեշտել է, որ հանցագործները այս կերպ փորձում են շահագործել Apple-ի կանոնները եւ գումար շորթել։