ԵՄ անդամակցության հանրաքվեի շուրջ Փաշինյանի կոշտ արձագանքը

Վարչապետ Նիկոլ Փաշինյանը Ղրղզստանում կայացած Եվրասիական միջկառավարական խորհրդի նիստում հայտարարել է, որ Հայաստանը հավատարիմ է ԵԱՏՄ հիմնարար սկզբունքներին։

Նրա խոսքով՝ միության հիմնական սկզբունքներից մեկը ապրանքների և ծառայությունների ազատ տեղաշարժն է, սակայն գործնականում այդ սկզբունքները լիարժեք չեն իրականացվում, ինչը խոչընդոտում է բիզնեսի զարգացմանը։

Անդրադառնալով ԵԱՏՄ չորս երկրների հայտարարությանը՝ Եվրամիությանն անդամակցելու հարցով հանրաքվե անցկացնելու վերաբերյալ, Փաշինյանն ասել է, որ Հայաստանը այն ընդունել է ի գիտություն։

«Չենք կարող հանրաքվե անել հարցի շուրջ, որն այս պահին գոյություն չունի»,- ընդգծել է վարչապետը՝ հավելելով, որ Հայաստանի և ԵՄ-ի ներկայիս հարաբերություններում չկան իրավական, տնտեսական կամ քաղաքական պարտավորություններ, որոնք կհակասեն երկրի՝ ԵԱՏՄ շրջանակում ստանձնած պարտավորություններին։