Թաիլանդում դպրոցում տեղի ունեցած հրաձգության հետևանքով յոթ մարդ է զոհվել
Աշխարհ
Բանգկոկի արվարձանում դպրոցում տեղի ունեցած կրակոցների հետևանքով զոհերի թիվը հասել է յոթի, հաղորդում է պետական Thai PBS հեռուստաալիքը։
«Նոնթաբուրի նահանգային ոստիկանության դեպարտամենտը հաստատել է, որ Թեփսիրինի միջնակարգ դպրոցում տեղի ունեցած կրակոցների հետևանքով զոհվել է յոթ մարդ (երեք ուսուցիչ, երեք աշակերտ և կրակողը)», - ասվում է հայտարարության մեջ։
Բացի այդ, երկու մարդ ծանր վիրավորվել է, իսկ ևս 15-ը՝ թեթև վնասվածքներ են ստացել։
Կրակողը իններորդ դասարանի աշակերտ էր։ Նախնական տեղեկությունների համաձայն՝ նա ինքնասպան է եղել։
Թեփսիրինի միջնակարգ դպրոցը հայտնի է որպես երկրի լավագույն դպրոցներից մեկը՝ աշակերտներին համալսարան ընդունվելու նախապատրաստելու համար։ Այն սպասարկում է յոթերորդից տասներկուերորդ դասարանների աշակերտներին։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
