Գեղարքունիքում գետնափոր շինությունում 10 գառ են հայտնաբերել հոշոտված

Գեղարքունիքի մարզի Ծովազարդ բնակավայրում արտակարգ դեպք է արձանագրվել։ Օգոստոսի 7-ին՝ ժամը 06:00-ի սահմաններում, ոստիկանություն ահազանգ է ստացվել, որ Անդրանիկի փողոցի տներից մեկի տարածքում գտնվող գետնափոր շինությունում կենդանիների կողմից հոշոտված գառներ կան․ փոխանցում է SHAMSHYAN.com-ը։

Դեպքի վայր են ժամանել ոստիկանության Սևանի բաժնի օպերատիվ խումբը և պարեկային ծառայության աշխատակիցները։ Տեղում պարզվել է, որ բնակիչը հայտնաբերել է իրեն պատկանող 10 գլուխ գառներին սատկած վիճակում։

Կենդանիների տերը նշել է, որ գառներին հայտնաբերել է առավոտյան՝ ժամը 05:30-ի սահմաններում։ Նրա խոսքով՝ դեռ պարզ չէ՝ կենդանիներին հոշոտել են գայլերը, թե թափառող շները։

Դեպքի առթիվ ոստիկանությունում կազմվում են անհրաժեշտ փաստաթղթեր։ Թե արդյոք տեղական իշխանությունները աջակցություն կցուցաբերեն տուժած ընտանիքին, դեռևս հայտնի չէ։