ԲՐԻԿՍ-ի արտաքին գործերի նախարարները կարող են քննարկել Մերձավոր Արևելքի հարցը ՄԱԿ-ի Գլխավոր ասամբլեայի նստաշրջանում
Աշխարհ
ԲՐԻԿՍ-ի արտաքին գործերի նախարարները կարող են առանձին հանդիպում անցկացնել ՄԱԿ-ի Գլխավոր ասամբլեայի նստաշրջանի շրջանակներում, որի թեմաներից մեկը, հավանաբար, կլինի Մերձավոր Արևելքում տիրող իրավիճակը, հաղորդում է «Իզվեստիան»։
«Այս հարցը ներկայումս քննարկվում է», - թերթին ասել է Ռուսաստանի արտաքին գործերի փոխնախարար Ալեքսանդր Ալիմովը՝ պատասխանելով Նյու Յորքում ԲՐԻԿՍ-ի արտաքին գործերի նախարարների հանդիպում անցկացնելու հնարավորության մասին հարցին։
Թերթի տվյալներով՝ Մերձավոր Արևելքում տիրող իրավիճակը կարող է լինել բանակցությունների ամենաբարդ թեմաներից մեկը։ «Իզվեստիան» հիշեցնում է, որ BRICS-ի արտաքին գործերի նախարարների նախորդ հանդիպումն ավարտվել է առանց համատեղ հայտարարության՝ Իրանի և ԱՄԷ-ի միջև Մերձավոր Արևելքի օրակարգի շուրջ տարաձայնությունների պատճառով։
ՄԱԿ-ի Գլխավոր ասամբլեայի նոր նստաշրջանը ավանդաբար սկսվում է սեպտեմբերին, այս տարի 81-րդ նստաշրջանը կբացվի սեպտեմբերի 8-ին։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
