Ռուսաստանի բանակը «Իսկանդերով» հարվածել է ուկրաինական գնացքին

Ռուսաստանի բանակը հարվածել է Դնեպրոպետրովսկի մարզում գտնվող Ուկրաինայի զինված ուժերի ռազմական տեխնիկայով բեռնված էշելոնին։ Այդ մասին հայտնել է Ռուսաստանի պաշտպանության նախարարությունը, գրում է ՌԻԱ Նովոստին։

Ինչպես նշել են գերատեսչությունում, նախ գնացքը կանգնեցվել է «Գերան» անօդաչու թռչող սարքերի հարվածով։ Այնուհետև էշելոնին հարվածել է «Իսկանդեր» օպերատիվ-մարտավարական հրթիռային համալիրի հրթիռը։

Նախարարությունում ընդգծել են, որ հարձակման հաջողությունը հաստատվել է հետախուզական անօդաչու թռչող սարքի տեսագրությամբ։

Ավելի վաղ Ռուսաստանի պաշտպանության նախարարությունը հայտնել էր Սև ծովում իրականացված հաջող ռազմական գործողության մասին, որի ընթացքում, գերատեսչության տվյալներով, անօդաչու թռչող սարքերի միջոցով խոցվել են ուկրաինական բանակի համար բեռ տեղափոխող երեք բեռնանավ։ Գործողության այլ մանրամասներ նախարարությունը չի ներկայացրել։