Փաշինյան․ Երբ ասում էին՝ Հայաստանն անհրաժեշտ չէ ոչ մեկին, մենք սկսեցինք գործել

ՀՀ վարչապետ Նիկոլ Փաշինյանը հայտարարել է, որ Եվրամիությունը Հայաստանի համար կարևոր առևտրատնտեսական գործընկեր է, սակայն ԵՄ-ի հետ հարաբերությունների զարգացումը չի վերաբերում որևէ համեմատության, այլ նպատակ ունի ստեղծել նոր հնարավորություններ և այլընտրանքներ երկրի համար։

Ռուս լրագրողների հետ զրույցում Փաշինյանը նշել է, որ ԵԱՏՄ որոշ գործընկերների հայտարարություններն են որոշակիորեն ազդել այդ գործընթացի ակտիվացման վրա։

«ԵԱՏՄ որոշ գործընկերներ հրահրել են այս գործընթացը՝ հայտարարելով, որ Հայաստանը ոչ մեկին պետք չէ, և նրան ոչ մի տեղ չեն սպասում։ Մենք այդ ազդանշանն ընդունեցինք ոչ թե բացասական, այլ դրական իմաստով և սկսեցինք աշխատել, քանի որ իրական իրավիճակը բոլորովին այլ է», — ասել է վարչապետը։

Նշենք, որ Հայաստանի վերաբերյալ նման հայտարարություն ավելի վաղ արել էր Բելառուսի նախագահ Ալեքսանդր Լուկաշենկոն։