Թրամփը սպառնացել է արգելափակել շվեյցարական ժամացույցների ներմուծումը ԱՄՆ

ԱՄՆ նախագահ Դոնալդ Թրամփը պնդում է, որ կարող է գրիչի հարվածով վերացնել Շվեյցարիայի հետ առևտրային դեֆիցիտը` եվրոպական երկրից ապրանքների, այդ թվում՝ ժամացույցների ներմուծումը արգելափակելով։

«Մենք շատ երկրներ վերածում ենք էլիտար երկրների։ Նայեք Շվեյցարիային։ Մենք նրանց հետ ունենք 39 միլիարդ դոլարի առևտրային դեֆիցիտ։ Ես կարող եմ այդ դեֆիցիտը վերացնել գրիչի հարվածով, և նրանք կդադարեն էլիտար երկիր լինելուց», - ասել է նա Punchbowl News-ին տված հարցազրույցում։

«Ես միայն պետք է ասեմ. «Ես չեմ ուզում ձեր ժամացույցները։ Ես չեմ ուզում ձեր ոչ մի ապրանք»։ Եվ մենք կխնայենք 39 միլիարդ, 40 միլիարդ, 41 միլիարդ դոլար, և նրանք էլիտար երկրից կվերածվեն մեծ խնդիրներ ունեցող երկրի։ Բայց, բարեբախտաբար նրանց համար, ես լավ մարդ եմ»։

Թրամփը կարծում է, որ շատ երկրներում, մասնավորապես Շվեյցարիայում, տոկոսադրույքները մնում են ցածր, քանի որ այդ երկրները հովանավորվում են ԱՄՆ-ի կողմից։ «Մենք պետք է վերադառնանք ամենացածր տոկոսադրույք ունեցող երկիրը լինելուն, քանի որ այն երկրներում, որտեղ դրանք ցածր են, դրանք ցածր են մեր պատճառով։ Որովհետև մենք սուբսիդավորում ենք աշխարհի շատ երկրների», - ասel 1 Թրամփը՝ ընդգծելով, որ ԱՄՆ-ն «Շվեյցարիային արծաթե սկուտեղի վրա 40 միլիարդ դոլար է հանձնում», որը եվրոպական երկրի առևտրային ավելցուկն է։