Թուրքիայի փոխնախագահը մեկնաբանել է Սաուդյան Արաբիայի հետ կնքված համաձայնագիրը

Թուրքիայի և Սաուդյան Արաբիայի միջև կնքված պաշտպանական համաձայնագիրը ուղղված չէ Իրանի կամ որևէ այլ երկրի դեմ, հայտարարել է Թուրքիայի փոխնախագահ Ջևդեթ Յըլմազը։

«Մեքքայի համատեղ պաշտպանական համաձայնագիրը ուղղված չէ Իրանի կամ որևէ այլ երկրի դեմ։ Այն նախատեսված է տարածաշրջանային անվտանգության, փոխադարձ պաշտպանության և զսպման ամրապնդման համար», -CNN Türk-ին տված հարցազրույցում ասել է Յըլմազը։

Թուրքիան, Սաուդյան Արաբիան և Պակիստանը ստորագրել են պաշտպանական համաձայնագիր, որը ստորագրել են երեք երկրների ղեկավարները։ Türkiye թերթի փոխանցմամբ՝ համաձայնագիրը նախատեսում է համագործակցություն հետախուզական տվյալների փոխանակման և տարածաշրջանային անվտանգության համակարգման ոլորտում։

Թերթը կարծում է, որ Թուրքիայի միացումը Սաուդյան Արաբիայի և Պակիստանի ռազմավարական պաշտպանական համագործակցության համակարգին, որը ստորագրվել է 2025 թվականին, կարող է կարևոր քայլ լինել Մերձավոր Արևելքում ուժերի հավասարակշռությունը փոխելու գործում։