Հյուսիսային կիսագնդում ջերմաստիճանի նոր ռեկորդ է գրանցվել՝ 1940-ից ի վեր ամենաբարձրը

Հյուսիսային կիսագնդում օգոստոսի 1-ին գրանցվել է ջերմաստիճանի նոր ռեկորդ։ «Հիդրոօդերևութաբանության և մոնիթորինգի կենտրոնի» տնօրեն Լևոն Ազիզյանի փոխանցմամբ՝ միջին օրական ջերմաստիճանը կազմել է +22,742°C՝ դառնալով 1940 թվականից ի վեր ERA5 վերավերլուծության տվյալների ամենաբարձր ցուցանիշը։

Նախորդ ռեկորդը գրանցվել էր 2023 թվականի օգոստոսի 1-ին, երբ Հյուսիսային կիսագնդի միջին ջերմաստիճանը կազմել էր +22,723°C։

Այսպիսով, նախորդ առավելագույն ցուցանիշը գերազանցվել է 0,019°C-ով։

Թեև տարբերությունը թվային առումով փոքր է, մասնագետի խոսքով՝ նման ցուցանիշը նշանակալի է, քանի որ խոսքը ոչ թե առանձին քաղաքի կամ երկրի, այլ ամբողջ Հյուսիսային կիսագնդի միջին ջերմաստիճանի մասին է։