Եվրամիության պայքարը ռուսական գազի դեմ դանդաղել է

Եվրամիության՝ ռուսական էներգակիրներից կախվածությունը նվազեցնելու գործընթացը դանդաղել է։ Այդ մասին հայտնում է Welt am Sonntag-ը՝ հղում անելով Էներգետիկայի և մաքուր օդի հետազոտությունների կենտրոնի (CREA) տվյալներին։

Կենտրոնի տվյալներով՝ 2026 թվականի հունիսին ԵՄ երկրները նախորդ տարվա նույն ամսվա համեմատ 14 տոկոսով ավելացրել են Ռուսաստանից հեղուկացված բնական գազի (ՀԲԳ) ներմուծումը։ Ներմուծման ամենամեծ բաժինը բաժին է ընկել Ֆրանսիային։ Ռուսական հումքի վաճառքից Մոսկվայի եկամուտներն աճել են՝ հասնելով օրական 60 միլիոն եվրոյի։ Ինչպես նշում է պարբերականը, այս միտումը կասկածի տակ է դնում մինչև 2027 թվականը ռուսական ՀԲԳ-ի գնումները դադարեցնելու Բրյուսելի ծրագրերը։

Նշվում է, որ գազի համաշխարհային շուկայում իրավիճակը զգալիորեն վատթարացել է իրանական ճգնաժամի պատճառով, որը կտրուկ սահմանափակել է Օրմուզի նեղուցով գազի մատակարարման հնարավորությունները։ Կատարը փաստացի դուրս է մնացել մատակարարների շարքից։ Արդյունքում երկրորդ եռամսյակում ռուսական գազին բաժին է ընկել ԵՄ գազի ընդհանուր ներմուծման ավելի քան 13 տոկոսը։

Ավելի վաղ կանխատեսվել էր, որ ՀԲԳ-ի անբավարար պաշարների պատճառով Եվրամիությունը կարող է բախվել վերջին տարիների ամենաբարդ ձմռանը։ Եվրոպան, ամենայն հավանականությամբ, կխուսափի գազի ֆիզիկական դեֆիցիտից, սակայն գների աճը գրեթե անխուսափելի է։