Փաշինյան․ TRIPP-ը կփոխի Հայաստանի դիրքը համաշխարհային ներդրումային քարտեզում

Վարչապետ Նիկոլ Փաշինյանը հայտարարել է, որ առաջիկայում Հայաստանը կենտրոնանալու է TRIPP խոշորածավալ նախագծի իրականացման վրա, որը, նրա խոսքով, կարող է էապես բարձրացնել երկրի կշիռը միջազգային ներդրումային քարտեզում։

«Առաջիկայում մենք կենտրոնանալու ենք մեկ այլ հսկայածավալ նախագծի՝ TRIPP-ի վրա, որը ևս մեկ աստիճանով բարձրացնելու է Հայաստանի կշիռը միջազգային ներդրումային քարտեզում»,- նշել է Փաշինյանը։

Վարչապետի խոսքով՝ խաղաղությունը շրջադարձային նշանակություն ունի Հայաստանի տնտեսական և ներդրումային միջավայրի փոփոխության տեսանկյունից։ Նա ընդգծել է, որ կայուն խաղաղությունը նոր հնարավորություններ է ստեղծում ներդրումների և խոշոր տնտեսական նախագծերի իրականացման համար։

Փաշինյանն այս մասին ասել է «Firebird AI» արհեստական բանականության գործարանի բացման արարողության ժամանակ՝ ընդգծելով, որ TRIPP-ի իրականացումը Հայաստանի համար լինելու է հաջորդ խոշոր տնտեսական ուղղություններից մեկը։