«Ձվերի պատերազմ» Կոսովոյի խորհրդարանում. պատգամավորը ձվեր է նետել գործող վարչապետի վրա (տեսանյութ)

Կոսովոյում նախագահի ընտրության շուրջ քաղաքական ճգնաժամը վերածվել է տարօրինակ սկանդալի, հաղորդում է The Sun-ը:

Վարչապետ Կուրտին խնդրել է հետաձգել որոշում կայացնելը: Ի պատասխան՝ ընդդիմադիր պատգամավորը ձվեր է հանել նետել գործող վարչապետի վրա, ինչը հանգեցրել է քաոսի խորհրդարանում:

Իսկական, թեև միակողմանի, «ձվերի պատերազմ» է սկսվել խորհրդարանում, այն բանից հետո, երբ գործող վարչապետ Ալբին Կուրտին չի հայտարարել նոր նախագահի անունը:

Կադրերում երևում է, թե ինչպես է ընդդիմադիր պատգամավոր Թիմե Կադրիջայը ձեռքը մտցնում իր պայուսակի մեջ, հանում ձվեր և առնվազն հինգ ձու նետում Կուրտիի վրա: Տղամարդիկ շտապում են կնոջ մոտ, բայց նա անտեսում է նրանց և գրեթե անմիջապես կարողանում է ևս երկու ձու նետել վարչապետի վրա, նախքան անվտանգության աշխատակիցները նրան զսպեն և դուրս բերեն դահլիճից:

Իրավիճակը թեժացել է, երբ Կուրտին խորհրդարանից լրացուցիչ ժամանակ է խնդրել նոր նախագահ ընտրելու համար: Ընտրությունները տեղի են ունեցել հունիսի 7-ին, սակայն քաղաքական ուժերը դեռևս չեն եկել համաձայնության այն մասին, թե ով պետք է դառնա երկրի հաջորդ ղեկավարը։

Կոսովոն վերջին տարվա մեծ մասի ընթացքում քաղաքական փակուղու մեջ է եղել, քանի որ ոչ մի կուսակցություն խորհրդարանում մեծամասնություն չի ստացել։

«Խորհրդակցությունները շարունակվում են, և մենք դեռևս համաձայնության չենք եկել նախագահի թեկնածուի վերաբերյալ: Հետևաբար, ես լրացուցիչ ժամանակ եմ խնդրում՝ նոր ընտրություններից խուսափելու համար»,- հայտարարել է Կուրտին:

Թիմե Կադրիջային դուրս են հանել դահլիճից, և նիստը դադարեցվել է: