Reuters-ը նշել է իրանական նավահանգիստների նկատմամբ ԱՄՆ-ի շրջափակման վերացման պայմանները
Աշխարհ
ԱՄՆ-ը պլանավորում է վերացնել իրանական նավահանգիստների շրջափակումը Հորմուզի նեղուցում անարգել նավագնացության վերականգնման վերաբերյալ համաձայնության հասնելուց անմիջապես հետո, հաղորդում է Reuters-ը՝ հղում անելով Սպիտակ տան աղբյուրներին։
«Հենց որ հայտարարվի Հորմուզի նեղուցում անարգել առևտրային նավագնացության վերականգնման վերաբերյալ համաձայնագրի մասին, ԱՄՆ-ն կվերացնի իրանական նավահանգիստների շրջափակումը», - գործակալությանը հայտնել է աղբյուրներից մեկը։
Աղբյուրները ընդգծել են, որ ԱՄՆ հետագա գործողությունները կախված կլինեն Իրանի կողմից նեղուցում նավագնացությունն ապահովելու իր պարտավորությունների կատարումից։
Ավելի վաղ The Wall Street Journal-ը, հղում անելով աղբյուրներին, հաղորդել էր, որ ԱՄՆ-ն պատրաստ է դադարեցնել Իրանի հետ հակամարտությունը՝ առանց Իսլամական Հանրապետության միջուկային ծրագրի վերաբերյալ համաձայնության հասնելու։
Օգոստոսի 2-ին ԱՄՆ նախագահ Դոնալդ Թրամփը հայտարարեց, որ համաձայնել է չեղարկել Իրանի վրա նախատեսված խոշոր հարվածը՝ Թեհրանի հետ համաձայնության հասնելու համար: Նա նշեց, որ Իրանը և Մերձավոր Արևելքի երկրները խնդրել են Միացյալ Նահանգներին ձեռնպահ մնալ հարձակումից, քանի որ կողմերը համաձայնության են եկել ապագա համաձայնագրի ուրվագծերի շուրջ:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
