Կադիրովն արձագանքել է Նիժնեկամսկի վրա Ուկրաինայի ԶՈւ հարձակմանը

Չեչնիայի ղեկավար Ռամզան Կադիրովը ցավակցություն է հայտնել Թաթարստանի ղեկավար Ռուստամ Միննիխանովին, ինչպես նաև Նիժնեկամսկի վրա Ուկրաինայի զինված ուժերի անօդաչուների հարձակման զոհերի հարազատներին և մտերիմներին։ Քաղաքը գտնվում է Ուկրաինայի սահմանից մոտ 1200 կիլոմետր հեռավորության վրա։ Կադիրովը հարձակմանն արձագանքել է Telegram-ի իր ալիքում։

«Այսօր հանրապետությունը սգում է նրանց համար, ում կյանքն ընդհատվեց այս սարսափելի ողբերգության հետևանքով», — գրել է նա՝ նաև շուտափույթ ապաքինում մաղթելով տուժածներին։

Կադիրովն ընդգծել է, որ Չեչնիային և Թաթարստանին կապում են երկարամյա հարաբերություններ՝ հիմնված փոխադարձ հարգանքի, բարեկամության և երկու տարածաշրջանների բնակիչների միասնության վրա։ Նրա խոսքով՝ այդ պատճառով Չեչնիայում տեղի ունեցածն ընկալում են որպես ընդհանուր դժբախտություն։

Ավելի վաղ Թաթարստանի առողջապահության նախարարությունը հայտնել էր, որ հարձակման զոհերի թվում եղել է նաև մի աղջիկ, որը մահացել է մինչև բժիշկների ժամանումը։

Օգոստոսի 10-ին Ուկրաինայի ԶՈւ անօդաչուները հարվածել են Նիժնեկամսկի արտադրական օբյեկտներին և քաղաքացիական ենթակառուցվածքներին։ Հարձակման հետևանքով զոհվել է 13 մարդ։ Բժշկական օգնության է դիմել 75 մարդ, որոնցից 21-ը հոսպիտալացվել են։