Սերբիան մտադիր է Շենգենյան գոտուն անդամակցելուն պատրաստ լինել մինչև 2027 թվականի վերջը

Սերբիան մտադիր է պատրաստ լինել Շենգենյան գոտուն միանալուն մինչև 2027 թվականի վերջը, քանի որ Եվրամիությանը նրա ինտեգրումը ձգձգվում է։ Այս մասին հայտարարել է Սերբիայի եվրոպական ինտեգրման նախարար Նեմանյա Ստարովիչը։

«Մենք ունենք գործողությունների ծրագիր, որը ցանկանում ենք լիովին իրականացնել մինչև 2027 թվականի վերջը՝ Շենգենյան գոտուն միանալուն պատրաստ լինելու համար։ Եվ ես կարծում եմ, որ սա ևս մեկ կարևոր թեմա է, քանի որ մենք գիտակցում ենք, որ Եվրամիության զգալի ընդլայնումը կամ թեկնածու երկրների լիիրավ անդամակցությունը այս տասնամյակի վերջում քիչ հավանական է, քանի որ դա պայմանավորված է հենց Եվրամիության ներսում առկա խնդիրներով», - ասել է նա «Ռադիո-հեռուստատեսություն Սերբիա»-ի եթերում։

Սերբիան ԵՄ թեկնածուի կարգավիճակ ունի 2012 թվականից, իսկ անդամակցության բանակցությունները շարունակվում են 2014 թվականից։ Այս տարվա հուլիսին Սերբիայի նախագահ Ալեքսանդր Վուչիչը արտահայտեց Բելգրադի հիասթափությունը այն փաստի կապակցությամբ, որ երկիրը վերջին հինգ տարիների ընթացքում չի բացել ոչ մի նոր գլուխ ԵՄ անդամակցության բանակցություններում։