Թոշակառուն փորձել է ազատվել ժառանգություն մնացած զենքից և հայտնվել հետաքննության տակ

Սանկտ Պետերբուրգում ոստիկանությունը ձերբակալել է թոշակառուի, որը Մոսկովյան Հաղթանակի զբոսայգու լճակն էր նետում ատրճանակների և փամփուշտների նմանվող առարկաներ։ Այս մասին հայտնում է «Mash на Мойке» Telegram-ալիքը։

Տղամարդը բացատրել է, որ այդ կերպ փորձել է ազատվել մահացած հորից իրեն մնացած զենքից և զինամթերքից։

Նրա բնակարանի խուզարկության ժամանակ իրավապահները հայտնաբերել և առգրավել են երկու ատրճանակ, 75 փամփուշտ, զենքի մասեր և երկու տարա՝ ավելի քան 300 գրամ անծուխ վառոդով։ Վերջինս դասվում է նետողական պայթուցիկ նյութերի շարքին։

Դեպքի առթիվ քրեական գործ է հարուցվել զենքի ապօրինի շրջանառության հոդվածով։