Թրամփը խոստովանել է, որ հուլիսին Թուրքիան լքել է ոչ իր ինքնաթիռով

ԱՄՆ նախագահ Դոնալդ Թրամփը հաստատել է, որ ԱՄՆ գաղտնի ծառայության խորհրդով հուլիսի սկզբին գաղտնի լքել է Թուրքիան՝ իր սեփականից տարբեր ինքնաթիռով։

«Դա ամբողջությամբ կախված է գաղտնի ծառայությունից։ Ես պարզապես անում եմ այն, ինչ նրանք են ուզում, որ անեմ», – ասել է նա՝ պատասխանելով լրագրողների հարցերին Վաշինգտոնի մոտ գտնվող Էնդրյուսի ռազմաօդային բազայում։

«Նրանք ուզում էին, որ ես թռչեմ այլ ինքնաթիռով։ Այդպես էլ արեցի», – հավելել է նախագահը։

Ինչպես օգոստոսի 10-ին հաղորդել է The Washington Post-ը, Թրամփը նստել է իր նախագահական ինքնաթիռը հուլիսի 7-8-ը Անկարայում կայացած ՆԱՏՕ-ի գագաթնաժողովից հետո։ Սակայն, ըստ թերթի, «մի քանի րոպե անց նրան գաղտնի տեղափոխել են ԱՄՆ ռազմաօդային ուժերի ավելի փոքր ինքնաթիռ՝ C-32A ռազմական փոխադրամիջոց։

Ամերիկացի առաջնորդը լքել է Թուրքիան այս ինքնաթիռով, չնայած ԱՄՆ վարչակազմը պնդում էր, որ նա իր սեփական ինքնաթիռով է եղել։