7,4 մագնիտուդով երկրաշարժից հետո Կոլումբիայում փլատակների տակ մարդկանց են փնտրում

Կոլումբիայի Կալի քաղաքում փրկարարները շարունակում են որոնողական աշխատանքները 7,4 մագնիտուդով երկրաշարժից հետո փլված շենքերի փլատակներում։ Քաղաքի ամենածանր հարված ստացած հատվածներից մեկում փլված «Torres del Limonar» շենքը դարձել է աղետի խորհրդանիշ։

Փլատակների տակ հայտնվել է նաև 80-ամյա տղամարդը՝ կնոջ հետ։ Նրա եղբայրը՝ Էֆրաին Գալյեգոն, ժամերով սպասում է փրկարարների աշխատանքին և չի կորցնում հույսը, որ նրան ողջ կգտնեն։ «Ամեն անգամ, երբ տեղեկություն է լինում, որ ինչ-որ մեկը ողջ է, հույսը վերածնվում է»,- պատմել է նա BBC-ին։

Փրկարարները պարբերաբար դադարեցնում են տեխնիկայի աշխատանքը և լիակատար լռություն պահանջում՝ փլատակների տակ գտնվող մարդկանց ձայները լսելու համար։ Փրկարարական աշխատանքներին մասնակցում են հրշեջներ, զինվորականներ, բժիշկներ, կամավորներ և մարդասիրական կազմակերպությունների ներկայացուցիչներ։

Կալիում երկրաշարժի հետևանքով առնվազն 95 մարդ է զոհվել, իսկ ավելի քան 50 շենք փլուզվել է։ Փրկարարներից մեկը հայտնել է, որ որոնողական աշխատանքների ընթացքում արդեն շուրջ 10 մարդ է փրկվել, իսկ փլատակների տակ առնվազն երկու ողջ մնացած անձի գտնվելու մասին տեղեկություն կա։

Գրանցված 7,4 մագնիտուդով երկրաշարժը Կոլումբիայի ազգային երկրաբանական ծառայության գնահատմամբ այս դարի ընթացքում երկրում տեղի ունեցած ամենաուժեղ երկրաշարժն է։ Փրկարարները շարունակում են աշխատել՝ հույս ունենալով փլատակների տակից նոր ողջ մնացածների դուրս բերել։