Թուրքիայի ՊՆ. Մեքքայի համաձայնագիրը չի սահմանում ընդհանուր թշնամի

Թուրքիայի, Սաուդյան Արաբիայի և Պակիստանի կողմից ստորագրված Մեքքայի համատեղ պաշտպանության համաձայնագիրը որևէ երկրի չի համարում ընդհանուր թշնամի, այն նպատակ ունի խթանել տարածաշրջանային անվտանգությունն ու կայունությունը, լրագրողներին հայտնել է Թուրքիայի պաշտպանության նախարարությունը։

«Նպատակն է ստեղծել ավելի ինստիտուցիոնալ և կայուն կառուցվածք երեք երկրների միջև պաշտպանության և անվտանգության ոլորտում առկա բարեկամական և եղբայրական հարաբերությունների համար։

Համաձայնագրի հիմնական նպատակն է խթանել տարածաշրջանային անվտանգությունն ու կայունությունը, զարգացնել մեր երկրների միջև ռազմական համագործակցությունը և ամրապնդել մեր կարողությունները համատեղ գործելու հնարավոր ճգնաժամերի դեմ։ Այս համաձայնագիրը կնքվել է պաշտպանական նպատակներով և որևէ երկիր չի համարում ընդհանուր թշնամի կամ հակառակորդ», - հայտարարել է Թուրքիայի պաշտպանության նախարարությունը։