Բելառուսը խստացրել է թղթի թափոնների և ապակու արտահանման վերահսկողությունը

Բելառուսի վարչապետ Ալեքսանդր Տուրչինը ստորագրել է որոշում, որով վեց ամիս ժամկետով լիցենզավորում է սահմանվում ապակու, թղթի թափոնների և փայտանյութի հետ կապված որոշ գործարքների համար։

Նոր կարգավորմամբ խստացվում է երկրից ապակու և թղթի թափոնների արտահանման, ինչպես նաև Բելառուսում արտադրվող արտադրանքին համարժեք փայտե որոշ ապրանքների ներմուծման վերահսկողությունը։

Իշխանությունների պարզաբանմամբ՝ միջոցառումների նպատակն է աջակցել տեղական արտադրողներին, կանխել հումքի պակասը, ինչպես նաև մեծացնել արտադրության ծավալներն ու ընդլայնել տեղական արտադրանքի տեսականին։