Լավրով․ Ռուսաստանի հատուկ ռազմական գործողության բոլոր նպատակներն իրականացվելու են

ՌԴ ԱԳ նախարար Սերգեյ Լավրովը հայտարարել է, որ Ռուսաստանի կողմից Ուկրաինայում իրականացվող «հատուկ ռազմական գործողության» բոլոր նպատակներն իրականացվելու են։

Լավրովը նշել է, որ ՌԴ նախագահ Վլադիմիր Պուտինը բազմիցս հստակ հայտարարել է այդ նպատակների իրականացման մասին։ Նրա խոսքով՝ Ռուսաստանը չի պատրաստվում անցնել այն մեթոդներին, որոնք, իր գնահատմամբ, կիրառում է Ուկրաինան, սակայն պատրաստվում է ավելի խստացնել սեփական մեթոդները։

«Մենք չենք իջնի այդ մակարդակին, բայց մեր սեփական մեթոդները կդարձնենք շատ ավելի խիստ՝ Արևմուտքի կողմից Կիևի ռազմական մեքենան սնուցող ամեն ինչի ոչնչացման համար»,- ասել է Լավրովը։ Նրա հայտարարությունների մասին այսօր հաղորդել են ռուսական լրատվամիջոցները։