Սելենա Գոմեսին մեղադրել են ներդրողներին խաբելու մեջ

Երգչուհի և դերասանուհի Սելենա Գոմեսի դեմ դատական հայց են ներկայացրել նրա Wondermind Global հոգեկան առողջության ստարտափի ներդրողները՝ մեղադրելով նրան պայմանավորվածությունները չկատարելու և խարդախության մեջ, հայտնում է Reuters-ը։

Հայցվորները ընկերությունում ներդրել են գրեթե 1,2 մլն դոլար։ Նրանց խոսքով՝ Գոմեսը, որն ընկերությունում պետք է զբաղվեր մարքեթինգով, խոստացել էր ակտիվ մասնակցել նախագծի զարգացմանն ու առաջխաղացմանը, սակայն չի կատարել ստանձնած պարտավորությունները։ Մասնավորապես, չի ստեղծվել խոստացված բջջային հավելվածը, իսկ ընկերությունը խնդիրներ է ունեցել նույնիսկ աշխատակիցներին և մատակարարներին ժամանակին վճարելու հարցում։

Ներդրողները պահանջում են վերադարձնել իրենց ներդրած գումարները և փոխհատուցել դատական ծախսերը։ Սելենա Գոմեսի ներկայացուցիչը Reuters-ի հարցմանը դեռ չի պատասխանել։