Wildberries-ի և վաճառողների վնասը մոտենում է 10 միլիարդ դոլարի. Forbes

Wildberries-ի և վաճառողների հնարավոր ընդհանուր վնասը գնահատվում է 600–800 միլիարդ ռուբլի (շուրջ 9,54 միլիարդ դոլար- խմբ.)։ Իրավիճակի մասին հայտնում է Forbes-ը։

Data Insight հետազոտական գործակալության առաջատար վերլուծաբան Սերգեյ Սեմկոյի գնահատմամբ՝ պահեստների և ենթակառուցվածքի վերականգնումը կարող է արժենալ 147,1–223,1 միլիարդ ռուբլի, իսկ եթե անհրաժեշտ լինի տարածքի ամբողջական ապամոնտաժում, թափոնների դուրսբերում և ռեկուլտիվացիա, ծախսերը կարող են աճել, հասնելով մինչև 169,2–278,9 միլիարդ ռուբլու։ Բացի դրանից, վաճառողների հնարավոր կորուստները, ըստ Սեմկոյի, նախնական գնահատմամբ կարող են կազմել 445–507,8 միլիարդ ռուբլի։

Մինչև օգոստոսի 10-ը փոխվարչապետ Ալեքսանդր Նովակը հանձնարարել էր մշակել աջակցության միջոցներ Wildberries-ի պահեստների վրա հարձակումների հետևանքով տուժած ձեռնարկատերերի համար։ Նշված ժամկետին որևէ գաղափարի մասին չէր հաղորդվել։ Սակայն, ինչպես հայտնի է դարձել Forbes-ին, Պետդումայում տեղի է ունեցել տուժած վաճառողների, մարքեթփլեյսների ներկայացուցիչների, պատգամավորների և պաշտոնյաների հանդիպում, որտեղ քննարկվել են աջակցության միջոցները։ Վաճառողները ցանկանում են ոչ միայն միանվագ փոխհատուցումներ և հարկային արտոնություններ, այլև պարտավորեցնել հարթակներին պատասխանատվություն կրել իրենց վստահված ապրանքի համար։