Շվեյցարացիներին արգելվել է լվանալ իրենց մեքենաները և ջրել մարգագետինները երաշտի պատճառով
Աշխարհ
Blick-ի փոխանցմամբ՝ Շվեյցարիայի մի քանի կանտոններ ջրի խնայողության միջոցառումներ են ձեռնարկել ծայրահեղ շոգի և երաշտի պայմաններում՝ արգելելով բնակիչներին լվանալ մեքենաները և ջրել մարգագետինները, իսկ գյուղացիներին՝ ջուր հավաքել առվակներից։
Անցյալ շաբաթ MeteoSuisse ազգային օդերևութաբանական ծառայությունը հայտարարեց երաշտի առավելագույն՝ 4-րդ մակարդակ ամբողջ երկրում։ 26 կանտոններից գրեթե յուրաքանչյուրը սահմանափակումներ է կիրառել ջրի օգտագործման համար։
Ինչպես նշում է հրատարակությունը, Գերմանիայի հետ սահմանին գտնվող Աարգաու կանտոնի իշխանությունները արգելել են բնակիչներին ջրել մարգագետինները, լցնել լողավազանները և լվանալ մեքենաները: Արգելվել է նաև առվակների մեծ մասից ջրի հանումը, ինչը լուրջ խնդիր է ստեղծել ֆերմերների համար, ովքեր բողոքում են ծանր իրավիճակից: Նմանատիպ միջոցառումներ են ձեռնարկվել նաև Բազելում:
Ցյուրիխ լճի ջրի մակարդակը զգալիորեն իջել է: Հրատարակության տվյալներով՝ մի քանի նավագնացական ընկերություններ ստիպված են եղել դադարեցնել որոշակի երթուղիներով սպասարկումը: Երկարատև երաշտը ազդում է նաև Կոնստանս լճի և Վերին Հռենոսի ջրի մակարդակի վրա:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
