Մասնագետը նշել է կատուների հիվանդության ոչ ակնհայտ նշանները

Կատվի վարքագծի կտրուկ փոփոխությունները կարող են վկայել հիվանդության կամ ֆիզիկական ցավի մասին։ Այս մասին ՌԻԱ Նովոստիին հայտնել է Ճապոնիայի Սոֆիայի համալսարանի դոցենտ Ացուկո Սաիտոն։

Մասնագետի խոսքով՝ անհանգստության պատճառ կարող են լինել չափից ավելի հաճախակի լիզվելը, զուգարանի սովորությունների փոփոխությունը, ագրեսիվ վարքագիծը կամ այլ անսովոր դրսևորումներ։ Նման դեպքերում նա խորհուրդ է տալիս ինքնուրույն դեղամիջոցներ չտալ կենդանուն և դիմել անասնաբույժի։

Սաիտոն նաև նշել է, որ կարևոր է գնահատել կատվի առօրյա պայմանները՝ արդյոք այն բավականաչափ խաղում է, ունի հանգիստ վայր և ստանում է իր տարիքին համապատասխան ակտիվություն ու խթանում։ Նրա խոսքով՝ կենդանու հիմնական կարիքների բավարարումը հաճախ կարող է օգնել շտկել վարքագծային խնդիրները։