Ռուսաստանում հայտնել են նոր Sollers S9 ամենագնացի վաճառքի մեկնարկի ժամկետները

Ռուսական Sollers ընկերությունը գրեթե ավարտել է նոր S9 շրջանակային ամենագնացի մշակումը։ RG.RU-ի տվյալներով՝ մեքենայի սերիական արտադրությունը նախատեսվում է սկսել Ուլյանովսկի ավտոմոբիլային գործարանում 2026 թվականի սեպտեմբերին, իսկ վաճառքը՝ տարվա չորրորդ եռամսյակում։

Sollers S9-ը համալրվելու է 2,0 լիտրանոց, 163 ձիաուժ հզորությամբ դիզելային շարժիչով և 8-աստիճան ավտոմատ փոխանցման տուփով։ Հետագայում նախատեսվում է նաև 224 ձիաուժ հզորությամբ բենզինային տարբերակ։ Ամենագնացը կունենա լիաքարշակ համակարգ և կառաջարկվի հինգ կամ յոթ նստատեղով տարբերակներով։

Մեքենան կստանա թվային գործիքային վահանակ, 10,4 դյույմանոց ուղղահայաց սենսորային էկրանով մուլտիմեդիա համակարգ, վարման ռեժիմների ընտրության կարգավորիչ և տաքացման համակարգերի փաթեթ։ Թափքը պատրաստվելու է ռուսական մետաղից, իսկ մեքենայի մի շարք բաղադրիչներ նույնպես տեղական արտադրության կլինեն։ Գների և համալրումների մասին մանրամասները կհրապարակվեն ավելի ուշ։