Ֆինլանդիան քննարկում է Ֆրանսիայի միջուկային հովանու ընդլայնումը. ԱԳ նախարար

Ֆինլանդիայի արտաքին գործերի նախարար Էլինա Վալտոնենը «Կիոդո» լրատվական գործակալությանը հայտնել է, որ երկիրը հետաքրքրված է՝ քննարկելու Ֆրանսիայի «միջուկային հովանոցի» ընդլայնման հարցը՝ ներառելով ամբողջ Եվրոպան։

«Աշխարհում դեռևս կան միջուկային զենքեր, և քանի դեռ դրանք գոյություն ունեն, ՆԱՏՕ-ն, որպես պաշտպանական դաշինք, կիրառում է միջուկային զսպման միջոցներ», - նշել է Վալտոնենը։

Նա պարզաբանել է, որ Ֆինլանդիան մտադիր չէ միջուկային զենք տեղակայել իր տարածքում՝ չնայած իր օրենսդրության փոփոխություններին և միջուկային նյութեր ներմուծելու և պահելու թույլտվությանը։