Բժիշկը զգուշացրել է շոգի ժամանակ գարեջրի թաքնված վտանգների մասին

Շոգ օրը սառը գարեջուր խմելը հիանալի լուծում է թվում, բայց շոգի ժամանակ գարեջուրը վտանգավոր մեխանիզմներ է գործարկում, «Գազետա»-ին ասել է ընտանեկան բժիշկ Ալեքսեյ Խուխրեւը։

Գլխավոր կետը. գարեջուրը չի լրացնում խոնավությունը, այլ արագացնում է դրա կորուստը։

«Ալկոհոլը միզամուղ ազդեցություն ունի, և հեղուկ կուտակելու փոխարեն մենք կորցնում ենք այն», - բացատրել է Խուխրեւը։ «Ծարավը վերադառնում է նոր թափով»։ Մարդը հայտնվում է արատավոր շրջանի մեջ՝ իրեն ավելի մոտեցնելով ջրազրկմանը։

Երկրորդ սպառնալիքը ջերմակարգավորումն է։ Ալկոհոլը լայնացնում է արյան անոթները, իջեցնում արյան ճնշումը, և սիրտը աշխատում է արագացված տեմպերով։

«Շոգ պայմաններում սա լրացուցիչ բեռ է», - զգուշացրել է բժիշկը։

Սակայն հիմնական վտանգը կայանում է նրանում, թե որտեղ է հեղուկը գնում։ Բջիջները սնուցելու փոխարեն, այն մնում է միջբջջային տարածությունում։

«Գարեջուրը հեղուկը տեղափոխում է միջբջջային տարածություն, հատկապես, եթե ուտում եք ինչ-որ աղի բան։ Դուք սկսում եք թմրածություն զգալ։ Սա բացասաբար է անդրադառնում ջերմակարգավորման վրա», - ընդգծում է Խուխրեւը։

Էներգիա զգալու փոխարեն, հանգստացողը զգում է այտուցվածություն, ծանրության զգացում և գերտաքացում. հյուսվածքներում կուտակված ջուրը խանգարում է մարմնին պատշաճ կերպով սառչել։ Ավելացրեք դրան դատարկ կալորիաները և այն փաստը, որ գարեջուրը գործում է որպես ապերիտիվ՝ գրգռելով ախորժակը։

Եթե նպատակը իսկապես սառչելն ու ջերմային հարվածից խուսափելն է, բժիշկը խորհուրդ է տալիս գարեջուրը փոխարինել հետևյալով՝

— կանաչ թեյով (միզամուղ, բայց փոքր քանակությամբ).

— տնական կոմպոտներ առանց շաքարի.

— չգազավորված հանքային ջրով.

— սովորական ջրով։

«Եթե մարդը խմում է պարզապես հաճույքի համար, դա մի բան է։ Բայց եթե դա օգուտի համար է և հեղուկի կորուստը լրացնելու համար, գարեջուրը հարմար չէ», - եզրափակել է Խուխրեւը։