Ողբերգական վթար Եղվարդում․ մոտոցիկլավարը մահացել է, 3 մարդ, այդ թվում՝ երեխա, վիրավորվել է
Արտակարգ Պատահար
Օգոստոսի 17-ի գիշերը ողբերգական ավտովթար է տեղի ունեցել Կոտայքի մարզի Եղվարդ քաղաքում։ Ժամը 00։15-ի սահմաններում Զովունի-Եղվարդ ավտոճանապարհին բախվել են «Ford» մակնիշի ավտոմեքենան և մոտոցիկլը. փոխանցում է SHAMSHYAN.com-ը։
Բախման հետևանքով մոտոցիկլավարը հայտնվել է ավտոմեքենայի տակ։ Մինչ փրկարարների և ոստիկանների ժամանումը՝ քաղաքացիները մեքենան կողաշրջել են՝ նրան դուրս բերելու համար։ Ժամանած շտապօգնության բժիշկները արձանագրել են մոտոցիկլավարի մահը։
Վթարի հետևանքով «Ford»-ի վարորդը՝ 40-ամյա տղամարդը, և նրա երկու ուղևորները տեղափոխվել են հիվանդանոց։ Վիրավորներից մեկը 31-ամյա կին է, մյուսը՝ 5-ամյա երեխա։
Դեպքի առթիվ նախաձեռնվել է քրեական վարույթ։ Ոստիկանությունն ու քննչական մարմինները պարզում են վթարի հանգամանքները:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
