Զգուշացում․ «Alibaba»-ի անվան տակ քաղաքացիներին խարդախության են ենթարկում

ՀՀ ՆԳՆ կիբեռոստիկանությունը զգուշացնում է, որ Telegram և WhatsApp հավելվածներում տարածվում են «Alibaba»-ի անունով կեղծ հայտարարություններ և խմբեր։

Խարդախները առաջարկում են հեշտ աշխատանք, ներդրումներ և բարձր եկամուտներ, ապա «աշխատանքը սկսելու» կամ վաստակած գումարը ստանալու համար պահանջում են փոխանցումներ կատարել իրենց տրամադրած հաշվեհամարներին։ Գումարը փոխանցելուց հետո նրանք հաճախ պահանջում են նոր և ավելի մեծ վճարներ, իսկ այնուհետև դադարեցնում են կապը։

Կիբեռոստիկանությունը քաղաքացիներին հորդորում է գումար չփոխանցել անծանոթ հաշվեհամարների, չտրամադրել բանկային քարտի տվյալներն ու CVV/CVC կոդերը կասկածելի կայքերում և չվստահել Telegram-ով ստացված անհայտ ու չափազանց շահավետ առաջարկներին։