Իրանական անօդաչուները հարվածել են իրաքյան Քրդստանի ղեկավարի գրասենյակին

Իրաքյան Քրդստանի վարչապետ Մասրուր Բարզանին հայտնել է, որ իրանական անօդաչու թռչող սարքերը հարձակվել են իր անձնական գրասենյակի և տարածաշրջանի անվտանգության ծառայության ղեկավարի բնակության վայրի վրա։ Քրդական հակաահաբեկչական ծառայության տվյալներով՝ կիրառվել է երկու պայթուցիկ անօդաչու։

Բարզանին կատարվածը որակել է որպես «անընդունելի ագրեսիա» և հայտարարել, որ այն լուրջ սրացում է ու ուղղակի սպառնալիք Քրդստանի տարածաշրջանի անվտանգությանը և կայունությանը։

Հաղորդվում է, որ հարձակման հետևանքով զոհեր և վիրավորներ չկան։ Իրանական կողմը դեռևս պաշտոնապես չի մեկնաբանել միջադեպը։