Վահագն Խաչատուրյանը շնորհավորել է Ինդոնեզիայի նախագահին Անկախության օրվա առթիվ

ՀՀ նախագահ Վահագն Խաչատուրյանը շնորհավորական ուղերձ է հղել Ինդոնեզիայի նախագահ Պրաբովո Սուբիանտոյին՝ երկրի ազգային տոնի՝ Անկախության օրվա կապակցությամբ։

Խաչատուրյանը բարձր է գնահատել Հայաստանի և Ինդոնեզիայի միջև ձևավորված բարեկամական հարաբերությունները՝ ընդգծելով, որ համատեղ ջանքերով հնարավոր է զարգացնել երկու երկրների համագործակցությունը փոխադարձ հետաքրքրություն ներկայացնող ոլորտներում։

«Լիահույս եմ, որ համատեղ ջանքերով կնպաստենք առկա համագործակցության զարգացմանը՝ ի շահ մեր ժողովուրդների»,- նշել է ՀՀ նախագահը։