Մեծ Բրիտանիան անհանգստացած է Պուտինի՝ բռնագրավված տանկերների մասին հայտարարությունից

Ռուսաստանի նախագահ Վլադիմիր Պուտինի՝ ռուսական նավերի տեղաշարժը սահմանափակելու Արևմուտքի փորձերին պատասխան տալու հայտարարությունը մտահոգություն է առաջացրել Մեծ Բրիտանիայում։ Այս մասին գրում է լեհական Wydarzenia Interia հրատարակությունը։

Օգոստոսի 12-ին Պուտինը հայտարարել էր, որ ռուսական նավերի առգրավումը կողոպուտ և ծովահենություն է, և Ռուսաստանը ստիպված կլինի նման գործողություններին պատասխանել հայելային ձևով։

Բրիտանական նավատորմի հրամանատար, ծովակալ Ալան Ուեսթը խոստովանել է, որ ռազմածովային ուժերի երկարամյա կրճատման պատճառով՝ Մեծ Բրիտանիան անհրաժեշտ քանակությամբ նավեր չունի լայնամասշտաբ Ռուսաստանի գործողություններին դիմակայելու համար։