13 ֆուտբոլիստներ, որոնք կարող են փայլել նոր մրցաշրջանում

BBC Sport-ը ներկայացրել է 13 ֆուտբոլիստների, որոնց, ըստ իրենց փորձագետների, արժե հետևել առաջիկա մրցաշրջանում։ Ցանկում ընդգրկվել են ինչպես երիտասարդ տաղանդներ, այնպես էլ նոր ակումբ տեղափոխված խաղացողներ, որոնք կարող են դառնալ իրենց թիմերի բացահայտումները։

Ցանկում են, մասնավորապես, «Նյուքասլի» 18-ամյա կիսապաշտպան Շոն Ստեուրը, «Քովենթրիի» 20-ամյա Գանացի Կալեբ Յիրենկիին, «Քրիսթալ Փելասի» նորեկ Օսկար Մինգեսան, «Ասթոն Վիլայի» 17-ամյա հարձակվող Բրայան Մաջոն և «Լիվերպուլի» 19-ամյա կիսապաշտպան Թրեյ Նյոնին։

Փորձագետների ուշադրության կենտրոնում են նաև «Բորնմութի» պաշտպան Վելկո Միլոսավլևիչը, «Նյուքասլի» իվուարցի եզրային հարձակվող Բազումանա Տուրեն, «Մանչեսթեր Սիթիի» 18-ամյա Ռայան ՄաքԱյդուն, «Մանչեսթեր Յունայթեդի» հարձակվող Շեյ Լեյսին և «Ասթոն Վիլայի» շվեյցարացի կիսապաշտպան-հարձակվող Յոհան Մանզամբին։

BBC-ի հեղինակները կարծում են, որ այս ֆուտբոլիստներից մի քանիսը կարող են արդեն այս մրցաշրջանում ստանալ ավելի մեծ դեր առաջին թիմերում և իրենց խաղով ուշադրություն գրավել Պրեմիեր լիգայում։

Առանձին ընդգծվել է նաև «Բրայթոնի» նորեկ Լուկա Վուշկովիչը, որը նախորդ մրցաշրջանում վարձավճարով հանդես էր գալիս Գերմանիայի առաջնությունում և աչքի էր ընկել հատկապես օդային մենամարտերում։ BBC-ի կարծիքով՝ 19-ամյա խորվաթն արդեն պատրաստ է բարձր մակարդակում կայուն խաղաժամանակ ստանալու։