Գտել են Windows 10-ից մինչև 2030 թվականը օրինական օգտվելու տարբերակ

Թեև Microsoft-ը Windows 10-ի լիարժեք աջակցությունը դադարեցրել է 2025 թվականի հոկտեմբերին, օպերացիոն համակարգի հատուկ LTSC (Long-Term Servicing Channel) տարբերակը թարմացումներ կստանա առնվազն մինչև 2030 թվականը, գրում է MakeUseOf-ը։

LTSC-ն նախատեսված է հիմնականում կորպորատիվ և մասնագիտացված սարքերի համար․ այն օգտագործվում է, օրինակ, բանկոմատներում և բժշկական սարքավորումներում։ Այս տարբերակը շարունակում է ստանալ նաև անվտանգության թարմացումներ։

Հեղինակի տվյալներով՝ LTSC-ի պատկերը հնարավոր է ներբեռնել Microsoft-ի կայքից, սակայն օրինական օգտագործման համար անհրաժեշտ է համապատասխան լիցենզիա։ Այս տարբերակի առավելություններից է նաև նախապես տեղադրված հավելվածների փոքր քանակը։