Իսպանիայում 4,8 մագնիտուդ ուժգնությամբ երկրաշարժ է տեղի ունեցել․ կան տուժածներ

Իսպանիայի Գրանադա քաղաքում օգոստոսի 18-ին գրանցվել է 4,8 մագնիտուդ ուժգնությամբ երկրաշարժ, որին հաջորդել է հետցնցումների շարք։ Այս մասին հայտնում է Իսպանիայի Ազգային աշխարհագրական ինստիտուտը (IGN)։

Առաջին ստորգետնյա ցնցումները գրանցվել են տեղական ժամանակով ժամը 10:37-ին։ Երկրաշարժի էպիկենտրոնը գտնվել է Գրանադայից մոտ 8 կմ հարավ-արևմուտք։ Դրանից հետո գրանցվել է առնվազն հինգ հետցնցում, որոնցից երկուսի մագնիտուդը կազմել է համապատասխանաբար 4,0 և 4,2։

20Minutos-ի փոխանցմամբ՝ երկրաշարժերի հետևանքով երեք մարդ է տուժել։ Սեյսմոլոգների գնահատմամբ՝ 4,8 մագնիտուդով երկրաշարժը զգալի ցնցումներ կարող է առաջացնել և որոշ դեպքերում հանգեցնել թեթև վնասների։