Շաքարի համաշխարհային գները հասել են 2025 թվականի մայիսից ի վեր ամենաբարձր մակարդակին

Շաքարի համաշխարհային բորսայական գները օգոստոսի 18-ին աճել են շուրջ 4 տոկոսով՝ հասնելով 2025 թվականի մայիսից ի վեր ամենաբարձր մակարդակին։ Այս մասին, վկայակոչելով ICE Futures բորսայի տվյալները, հայտնում է ՌԻԱ Նովոստին։

Մոսկվայի ժամանակով ժամը 15:18-ի դրությամբ հոկտեմբերյան ֆյուչերսների արժեքն աճել է 4,09 տոկոսով՝ հասնելով մեկ ֆունտի դիմաց 17,56 ցենտի։ Առևտրի ընթացքում գինը հասել է առավելագույնը 17,58 ցենտի, ինչը ամենաբարձր ցուցանիշն է 2025 թվականի մայիսի 22-ից ի վեր։

Ընդհանուր առմամբ, օգոստոսի սկզբից շաքարի համաշխարհային բորսայական գինն արդեն բարձրացել է 19 տոկոսով։