Վլադիմիր Կլիչկոն՝ Հեյդեն Փանեթիերի մահվան մասին․ «Մեր ընտանիքը խոր ցնցման և վշտի մեջ է»
Աշխարհ
Հոլիվուդյան դերասանուհի Հեյդեն Փանեթիերի նախկին զուգընկեր, բռնցքամարտի աշխարհի նախկին չեմպիոն Վլադիմիր Կլիչկոն անդրադարձել է դերասանուհու մահվանը՝ նշելով, որ իրենց ընտանիքը գտնվում է «խոր ցնցման և վշտի» մեջ։
Փանեթիերին մահացել է 36 տարեկանում՝ Հարավային Կարոլինայի Գրինվիլ քաղաքում։ Ոստիկանությունը հայտնել է, որ դեպքի վայրում բռնության կամ կասկածելի հանգամանքների հետքեր չեն հայտնաբերվել։ Մահվան պաշտոնական պատճառը դեռևս հաստատված չէ։
Կլիչկոն և Փանեթիերին 2014 թվականին դուստր են ունեցել՝ Կայային։ Թեև զույգը տարիներ առաջ բաժանվել էր, Կլիչկոն նշել է, որ դերասանուհին շարունակում էր մնալ իր կյանքի կարևոր մասը՝ որպես իրենց դստեր մայր։
«Նա հեռացավ այս աշխարհից շատ վաղ։ Հեյդենը կառուցեց անհավանական կարիերա՝ հսկայական տաղանդի շնորհիվ, միաժամանակ բախվելով շատ պահանջկոտ ոլորտի մութ կողմերին»,- գրել է Կլիչկոն՝ խնդրելով հարգել ընտանիքի անձնական տարածքն այս ծանր պահին։
Դերասանուհու մահից հետո նրա գործընկերներն ու ընկերները բազմաթիվ ցավակցություններ են հայտնել։ «Nashville» սերիալում Փանեթիերիի գործընկեր Քոնի Բրիթոնը նրան նկարագրել է որպես բացառիկ պայծառ ու տաղանդավոր մարդ, իսկ «Heroes»-ի դերասան Մասի Օկան նշել է նրա «գեղեցիկ ոգին, հսկայական տաղանդն ու ուրախ էներգիան»։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
