Գվարդիոլայի անկեղծ խոստովանությունը․ «Ես ամուսնալուծվել եմ մոլորակի ամենագեղեցիկ կնոջից»

«Մանչեսթեր Սիթիի» նախկին գլխավոր մարզիչ Խոսեպ Գվարդիոլան իր ֆուտբոլիստներին մոտիվացնելու համար պատմել է անձնական կյանքի մասին՝ խոսելով նախկին կնոջից բաժանվելու և կորցրած կրքի մասին։

Դրվագը ներկայացվել է «Գեղեցիկ մոլուցք» վավերագրական ֆիլմում, որը պատմում է «Մանչեսթեր Սիթիում» Գվարդիոլայի վերջին երկու մրցաշրջանների մասին։

2024 թվականի դեկտեմբերին «Յուվենտուսի» դեմ Չեմպիոնների լիգայի խաղից առաջ, որն «Սիթին» պարտվել էր 0։2 հաշվով, Գվարդիոլան հանդերձարանում ֆուտբոլիստներին ասել է, որ ամուսնալուծվել է իր նախկին կնոջից, ում շարունակում է շատ սիրել, սակայն նրանց հարաբերություններում կորել էր կիրքը։

Գվարդիոլան այդ պատմությունը կապել է ֆուտբոլի հետ՝ խաղացողներին կոչ անելով ոչ միայն լավ ֆուտբոլիստներ լինել, այլև խաղալ կրքով։ «Ինձ պետք չեն պարզապես լավ ֆուտբոլիստներ, ինձ պետք են կրքոտ ֆուտբոլիստներ»,– ասել է նա։