Չինաստանը 800 ուղևոր տեղավորող հսկայական ինքնաթիռ է կառուցում
Աշխարհ
Չինացի հետազոտողները ներկայացրել են «թռչող թևի» դիզայնով ուղևորատար ինքնաթիռի մոդել, որը նախատեսված է ավելի քան 800 մարդու տեղավորելու համար, գրում է South China Morning Post-ը:
Նախագիծը մշակվել է Չինաստանի աերոդինամիկայի հետազոտությունների և զարգացման կենտրոնի (CARDC) մասնագետների կողմից: Կոնցեպտը 85 մետր լայնություն և 43 մետր երկարություն ունի, թևերի բացվածքը մոտավորապես 1,6 անգամ մեծ է ամերիկյան B-2 Spirit ռմբակոծիչից: Համեմատության համար, Airbus A380-ը սովորաբար տեղավորում է մոտ 555 ուղևորի:
«Թռչող թևի» դիզայնը միավորում է ֆյուզելաժը, թևերը և պոչը մեկ կառուցվածքում: Հետազոտողների կարծիքով, այս դիզայնը կարող է ապահովել ավելի մեծ թռիչքի հեռավորություն և կրճատել էներգիայի սպառումը: Սկզբում նախագիծը նախատեսված էր 250 ուղևորի տեղավորելու, սակայն հետագայում այդ թիվը մեծացվեց մինչև 800:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
