Ռուսաստանը դադարեցրել է Վրաստանից կարտոֆիլի ներմուծումը

Ռուսաստանը հուլիսին Վրաստանից կարտոֆիլ չի ներմուծել։ Սա առաջին նման դեպքն է այս տարվա փետրվարից ի վեր, հայտնում է ՌԻԱ Նովոստին՝ հղում անելով Վրաստանի մաքսային տվյալներին։

Մինչ այդ մատակարարումները կտրուկ աճել էին։ Մայիսին դրանց արժեքը ապրիլի համեմատ ավելացել էր 43 անգամ՝ 9,2 հազար դոլարից հասնելով 395,9 հազար դոլարի։

Հունիսին Վրաստանից Ռուսաստան կարտոֆիլի արտահանումն աճել էր ևս 2,3 անգամ՝ հասնելով 925,8 հազար դոլարի։