Չինաստանում ռուսական նավի երեք նավաստի է մահացել

Չինաստանում գտնվող ռուսական նավի անձնակազմի երեք անդամ է մահացել։ Նավը պատկանում է «Օստրովնոյ կրաբ» ընկերությանը, հայտնում է ՌԻԱ Նովոստին։

Նավաստիներից մեկի հարազատների խոսքով՝ տղամարդը շոգ եղանակին աշխատել է նավի բեռնախցիկում, որտեղ նրա ինքնազգացողությունը վատացել է, և նա մահացել է։ Հարազատները դիմել են ընկերությանը՝ փոխհատուցում ստանալու համար։

Մահացածների մարմինները Չինաստանից կտեղափոխվեն Ռուսաստան՝ անհրաժեշտ փորձաքննություն անցկացնելու և դեպքի հանգամանքները պարզելու համար։