NASA-ն ցուցադրել է Լուսնի վրա Falcon 9-ի հարվածից առաջացած խառնարանը

NASA-ն հրապարակել է Լուսնի մակերևույթին առաջացած խառնարանի լուսանկարները, որը ձևավորվել է SpaceX-ի Falcon 9 հրթիռի երկրորդ աստիճանի անկման հետևանքով։

Հրթիռի աստիճանը Լուսնին է բախվել օգոստոսի 5-ին։ Առաջացած խառնարանն ունի մոտ 18 մետր տրամագիծ և 3 մետր խորություն։ Տարբեր անկյուններից ստացված պատկերները գիտնականներին հնարավորություն են տվել ուսումնասիրել խառնարանը լուսավորության տարբեր պայմաններում։

Falcon 9-ը արձակվել էր 2025 թվականի հունվարին՝ երկու առևտրային վայրէջքային սարք Լուսին ուղարկելու համար։ Առաքելությունից հետո հրթիռի երկրորդ աստիճանը մնացել էր անկայուն ուղեծրում և, ի վերջո, Լուսնի ձգողականության ազդեցությամբ բախվել դրա մակերևույթին։